Text copied!
CopyCompare
Kadede Kap Pjam Akan - Psalms - Psalms 55

Psalms 55:2-21

Help us?
Click on verse(s) to share them!
2Kom kotin mani ia o kotin japen ia. Pwe i kin janjalon jili o janejanki,
3Pwe nil en ai imwintiti kin kainjenjued ia o me doo jan Kot akan kin pakipaki ia; pwe re kin men wia jued on ia, o re kin kailon kin ia.
4Monion i majapwekada nan kaped i, o majak en mela lel on ia.
5Majak o rerer lel don ia; wapon kadupal ia di.
6I ap indada: O ma pa i kat dueta pa en muroi, pwen pirwei o mi ekij waja.
7I ap pan pirla waja doo, o kaukaujon jap tan. Jela.
8I pan madanlan wajan moleilei mon melimel o katau.
9Main Ieowa, kom kotin kawuk pajan lo arail, o kotin kajore ir ala, pwe i kilekilan, me toun kanim o kin weit o akamai pena.
10Mepukat kin wiaui ni ran o ni pon pon arail kel takai, o a dir en apwal o dodok kan.
11Me jued akan kin kaunda kanim o; o tou a kan jota kin muei jan likam o kotaue.
12Ma ai imwintiti pan wia jued on ia, i jota pan injenoki, o ma me kailon kin ia pan pei on ia, i pan ruki jan mo a.
13A koe, ai warok, o kompole pa i o kij ai.
14Pwe kitail minimin penaer nan pun atail. Kitail wiaki eu nan pun en pokon nan tanpaj en Kot.
15Mela en madan lel won irail, pwe ren lokidokila nan wajan mela ni ar memaur; pwe im arail o lol arail me dir en morjued.
16A i pan likwir on Kot, o Ieowa pan kotin jauaja ia.
17Nin jautik, o ni manjan, o nin jauaj i pan janejan o weriwer, a ap pan kotin mani nil ai.
18A pan kotin dorela nen i jan ren me men palian ia, o pan kotin kamoleilei ia; pwe ir me toto, me u on ia.
19Kot pan kotin ereki o kanamenok ir ala, pwe a kotikot eta jan tapin kaua. Jela. Pwe re jota pan wukila, o re jota majak Kot.
20A jaikidi japwilim a popol akan, o a kawela a inau.
21Au a me kitentel jan wi, ap lamelame duen mauin, a lokaia me muterok jan le, ap rajon kodlaj kon, me onopa dan pei.

Read Psalms 55Psalms 55
Compare Psalms 55:2-21Psalms 55:2-21