Psalms 51:7-18

⁷Kom kotin kamakele kin ia ijop, pwe i en minla, widen ia, pwe i en puetepueteta jno.

⁸Kom kotiki on ia peren o popol, pwe kokon ai kan, me kom kotin kawelar, en injenemaula.

⁹Kom kotin jopwei jan dip ai kan, o kotin lapwada ai japun karoj.

¹⁰Main Kot, kom kotin wiai on ia monion makelekel, o kotin kawiliakapada nen i.

¹¹Kom der kaje ia la jan mon jilan omui o der kotiki jan ia ar Nen jaraui.

¹²Kom kotin pur on kamait ia la ki omui jauaja ia, o kotiki on ia nen en kaperen.

¹³I pan padaki on me katiwo kan duen al omui kan, pwe me dipan akan en wuki on komui.

¹⁴Main Kot, kom kotin dore ia la jan dip en nta, pwe komui Kot ai jaunkamaur, pwe lo i en kapina omui pun.

¹⁵Main Ieowa, kom kotin kajar pajan kilen au ai, pwe au ai en kapikapina komui.

¹⁶Pwe kom jota kotin mauki mairon kamela — a ma iei, i pan wiada — o mairon ijij kom jota kotin kupura.

¹⁷A iet mairon, me Kot kin kotin kupura: Nen olar, o monion injenjuedalar, o karakarak, iei me komui Main Kot jota pan kotin mamaleki.

¹⁸Kom kotin jauaja Jion ki omui kalanan, kotin kauada kel en Ierujalem.