Psalms 51:2-12

²Kom kotin widen ia jan ai wiawia japun, o kotin kamakel ia da jan ni dip ai.

³Pwe i aja duen ai wiadar me jued, o dip ai me janjal on ia anjau karoj.

⁴On komui eta me i wiai dip on, o wiadar japun mon jilan omui, pwe komui me pun eta ni omui majan akan, o komui makelekel eta ni omui pan kadeikada.

⁵Kotin majani, me i ipwidier ni japun, o in ai ape kin ia dar ni man en dip.

⁶Kotin majani, kom kin kotin mauki melel, me mi waja rir; kom kin kajale on ia lolekon rir.

⁷Kom kotin kamakele kin ia ijop, pwe i en minla, widen ia, pwe i en puetepueteta jno.

⁸Kom kotiki on ia peren o popol, pwe kokon ai kan, me kom kotin kawelar, en injenemaula.

⁹Kom kotin jopwei jan dip ai kan, o kotin lapwada ai japun karoj.

¹⁰Main Kot, kom kotin wiai on ia monion makelekel, o kotin kawiliakapada nen i.

¹¹Kom der kaje ia la jan mon jilan omui o der kotiki jan ia ar Nen jaraui.

¹²Kom kotin pur on kamait ia la ki omui jauaja ia, o kotiki on ia nen en kaperen.