Psalms 50:2-18

²Linan en Kot tapida jan Jion.

³Atail Kot kotido, o a jota kin kotin japaimokit. Kijiniai kelail kin tion mo a, o melimel laud kin mi impa.

⁴A kotin molipe lan o jappa, pwen kapunala japwilim a aramaj akan!

⁵Komail kapokon pena nai lelapok kan, me wiadar ar inau on ia ni anjau en mairon!

⁶Nanlan pan kajaleda a pun; pwe Kot kin kotin kadeikada. Jela.

⁷Komail nai aramaj akan ron, I pan padaki on komail. Ijrael, I pan kaparoki on komail: Nai Kot, om Kot.

⁸I jota pan kaloke uk pweki om mairon, pwe om mairon ijij kin wiaui on ia anjau karoj.

⁹Ari jo, I jota pan ale jan komail kau ol de kut o jip ol jan nan im omail.

¹⁰Pwe man en nan wel karoj me ai o pil man akan, me mimi pon nana kid pak toto.

¹¹I aja manpir en nana karoj o jon en man karoj, me mi nan jap, kin mi re i.

¹²Ma I men manadar, I jota pan indan uk, pwe jappa me ai o audepa karoj.

¹³Da, koe lamelame, me I kin inon ion uduk en kau ol, de I men nim ntan kut ol?

¹⁴Maironki danke on Kot o kapunalan me Lapalap o om inau.

¹⁵Likwir don ia ni om injenjued, I ap pan dore uk ala, a koe pan kapina ia.

¹⁶A Kot kotin majani on me japun o: Da me koe kaparok duen ai kujoned akan, o lokaia kida au om duen ai inau,

¹⁷Pwe koe kin tateki tiak pun o mamaleki ai kujoned akan?

¹⁸Ma koe pan kilan lipirap amen, koe kin ian i, o koe kin waroki on me kamal akan.