Psalms 49:2-19

²Ir karoj, aramaj o jaupeidi, ir karoj me kapwapwa o jamama kan!

³Au ai pan kaparok duen lolekon, o monion i duen lamalam pun.

⁴I pan kapaike don jalon ai lepen majan, o i pan kajaleda me rir akan ni nil en arp.

⁵Da me i en majak ni ran apwal akan, ma me japun kan kapil ia pena,

⁶Me kin kaporoporeki ar dipijou o juaiki ar kapwa toto?

⁷Pwe jota me kak dorela ri a, de tomeki i ren Kot,

⁸(Pwe meid apwal, en dorela nen ar; a jota pan pwaida kokolata).

⁹Pwen maur potopot o jota kilan joujou o.

¹⁰Pwe a kin kilan, me lolekon kan kin mela dueta me pweipwei o iakalar akan, o re pan mueid on amen ar dipijou kan.

¹¹I me re kin peren kida, ma im arail pan duedueta, o deu ’rail pan mimieta kokolata; o re konekon melel nin jappa.

¹²Ari jo, aramaj me konekon jota kak mimieta ni mepukat, pwe a pan kokowei dueta man amen.

¹³Iet ar wiawia pukat meid pweipwei; ari jo, kadaudok ar kin kapina ki au arail. Jela.

¹⁴Re wonon nan wajan mela dueta pwin jip; mela kin kamana ir; a me lelapok kan pan kaun irail da madan, o mom ar pan joredi, o re pan doo jan deu ’rail, mimieta nan pweleko.

¹⁵A Kot pan kotin dorela nen i jan nan mana en wajan mela, pwe a pan kotin japwilimane kin ia. Jela!

¹⁶Koe der puriamuiki, ma amen pan kapwapwala, o ma linan en im a pan laudala.

¹⁷Pwe a jota pan wala meakot ni a pan mela, o a linan jota pan idauenla i.

¹⁸A kin injenemau kila peren en maur kajelel wet, o aramaj kin kapina ir, me kin apapwali pein ir eta ni maur et.

¹⁹A pan idauen la jam a kan, ap jolar kilan marain kokolata.