Psalms 46:4-9

⁴Kaem Kalel Biya ko wonong laili umu te, yu yawara bo aniso, se kariimet yu umu ko ninguru amilmilasan.

⁵Kaem wonong mu te bagoso, se kager kari me parusuwumonko; sor me ukia palagoso la, Kaem wonong mu sangukko.

⁶Ali lilim ningi niara nguangara biya barasoso, kingdom bibiya parasa kapasan; mu awuk, Kaem ko kuring pure iwita pagoso se, ali kutukutuk maso ale turupuso kaposo.

⁷Yawe Sokel Garagar mu nangarak bagoso, Jacob ko Kaem mu anananga manga gek am.

⁸Tairal Yawe kiwem beteram ewere arigalko, nu ali sor maguwuram ewere arigalko.

⁹Nu ali lilim la te kager menawuram, ale daga gatu gi kulukumuram, ale karem gi tama ningi awuram se kani namaram.