1(David king ko bagakaso, bare noko kuriang Absalom noko ura nu taukko ago kaeyakaso, se David Absalom ko nagu se den imi balam) O Yawe, ani ago ko kager kari memek suen biya! Nuna suen biya nunguningkiri ani agarak kagerawasan!
2Ale nuna ani ago ko balsan, “Kaem nu me sangukko pa!” masan.
3Bare Yawe, ni keta suanta aninga karem se ni aninga lautem; ni aninga kager menawusam ale nup biya se sokel aisisam.
4Ani Yawe kote sail ago niasam, se nu ko duruk laili mu te baga se agiring iluso.
5Ani taga anisam, ale anisam; ale ukiso se barasasam; Yawe aga bitarso se memek bo me arigisam.
6Ani kager kari memek suen biya nunguningkiri aga laturu sapaman, bare ani me ta nguangasam.
Psalms 3
Psalms 3:1-6