Psalms 38:10-17

¹⁰Be ob gumircha’eg, ma kem’ay gelngig, ma tamilang u lan owcheg e dakriy.

¹¹Pi fager rog nge pi’in gamad buguliyoror e dakrir chugurgad ngog, ni bochan e malad rog; mus ngak chon e tabnaw rog ni ka ra pired u orel rog.

¹²Pi’in yad ba’adag ni ngar thanged e fan rog e yad be tay e wup ni nggu aw ngay, ma pi’in yad ba’adag ni ngar maad’adgad ngog e yad be yog ni ngar gafgow nigedgag; darir talgad ko makath nib togopluw ngog.

¹³Gu bod be’ nib baling ni dabyag ni nge rung’ag ban’en, ni bod be’ nib ma’ay ni dabyag ni nge non.

¹⁴Gu bod be’ ni yira non ngak ma der fulweg lunguy, ni bochan e der rung’ag ban’en.

¹⁵Machane, gur SOMOL, e be pagan’ug ngom; ma gur SOMOL ni Got rog, e ga ra fulweg lungug;

¹⁶dab mu pag e to’ogor rog ngar felan’gad ni ku gu gafgow; dab mu pagrad ngar giriggad ngog ni ku gu dol’!

¹⁷Ke chugur ni nggu aw nga but’ ni darming e amith rog.