Psalms 25:2-21

²Ai Kot, i liki komui, jauaja ia, pwe i ender jarodi, o ai imwintiti kan ender peren kida.

³Pwe karoj me liki komui, jota pan jarodi, a me pan muei jan komui pan jarodi.

⁴Main, kom kotin kajale on ia al omui kan, o kotin padaki on ia omui tiak kan;

⁵Kalua ia ni omui melel o kalolekon ia! Pwe komui ta ai Kot, me kin jauja ia, ran karoj, i kin auiaui komui.

⁶Main, kom kotin tamanda omui kalanan o omui kapunlol, me tapidar mon kaua.

⁷Re der kotin kupura dip en ai tikitik o ai jopeik; a kupura ia ni ar kapunlol o kalanan! Main Ieowa.

⁸Ieowa me mau o lelapok, i me a kotin padaki on me dipan akan pon al o.

⁹A kin kalua pun me luet akan, o a kotin padaki on me luet akan al a.

¹⁰Al en Ieowa kan me dir en kalanan o melel on ir, me kin kolekol a inau o majan akan.

¹¹Main, kom kotin maki on ia ai japun kan me lapalap, pweki mar omui.

¹²Ij ol, me kin lan Ieowa? A pan kotin padaki on i duen al o, me a en pilada.

¹³Nen e pan mi waja mau o kaudaudok a pan aneki jap o.

¹⁴Ieowa kompoke pan me kin lan i, a pan kotin padaki on i duen a inau.

¹⁵Maj ai kin ariri Ieowa anjau karoj, pwe a pan kotin lapwada nä i kat jan nan injar.

¹⁶Kom kotin majan don ia o maki on ia, pwe nai japoupou o luet.

¹⁷Majak en monion i lalaudalar; kotin kalua ia jan nan ai apwal akan!

¹⁸Kom kotin mani ai luet o ai kankaneraner, o kotin maki on ia dip ai kan karoj!

¹⁹Kom kotin mani duen ai imwintiti kan, pwe re me toto, o re kin kailon kin ia ni ar aklapalap.

²⁰Kom kotin jinjila ai maur o dore ia la, kom kotin apwali ia, pwe i der namenokala, pwe i kin liki komui.

²¹Melel o pun en jinjila ia, pwe i auiaui komui.