Psalms 22:22-28

²²Ani ka nip, ka dugu duap aga singsang nunga manikko; ale biguwura ningi ka nip patawurikko.

²³Ale nunga manik, nina arikaya Yawe kuring bowa ningi bagasan mu ko nup patawuralko! Nina Jacob ko taleng girigir, nup biya tualko! Nina Israel ko taleng girigir, nguanga se nup patawuralko!

²⁴Mu awuk, awiriya ikup memek arigiso, bare nu me ari pateso, ale koma motam me kaluwu namoso, mena; nu aninga aira ikiam, ale aga saongam.

²⁵Biguwura biya te ani ka nip patawurikko; ale anapeya munan bita kisekko mu, kariimet nika kiring bowa ningi bagasan mu nomokete bita kisekko.

²⁶Se kariimet nunup mena, kituwura guat mu, na namon nungumik ago terong maukko; kariimet ni ko ko kuesan mu nika nip patawumonko. O Yawe, marak nungaru, se tom suen biya amilmil ago la bagamonko!

²⁷Ali koma suen la te, kariimet Yawe ko ikimon ale giris palagamon ale kote taimonko; ali lilim ko kariimet nu koma te nubugura kulukurmonko,

²⁸mu awuk, Yawe nu King Biya; nu ali sor suen la nunga bitarso.