Psalms 17:6-14

⁶Aga Kaem, ni ani agiring ilusam, bore te se aninga aira nikate betesam; de gurugu ale agiring ikiko.

⁷Kariimet kager daong ko nagusan kete taisan mu ni ka kiting te nunga iramursam. Butatala, ka kua aisa ko munan ningo mu wetang sapar ale te aga sangaruko.

⁸Nika motam ko ninguru sinar tasam iwitatala, aninga sinar toko; tarak nuam ko luman te ko gotek nunga ereso iwita, aga ira kaluwurko.

⁹Aga bitaru se kari memek me aga maguwumonko, mu awuk, kari memek nunguningkiri aga talurman bagasan.

¹⁰Nuna bo kua tuata ko munan me ko ikisan; nuna nunumi patawura ko den balu lagasan.

¹¹Nuna ani te bagasam mu ko ikiman ale aga laturu gilingiman, ale aga ilu talipamonko kimi bitawasan.

¹²Nuna lion iwita yumuman ale inang moa namonko karanga sipa se loagakuawuwasan.

¹³Yawe, bares ale nongorak kagerer ale nunga menawurko; ka batir te kari memek nunga moar ale aga bataguru toko.

¹⁴Nika sokel aora garagar mu te aga sangaru toko. Nononga ikia nongomang motam mu na nokoyam ali ewere ko melmasak te aniso; buta se nunga memek koma mu inang iwita ninguru nungaru se namon ale nutagu lagarukko, nunga kuriang imas gue te koma suanta tala bitarko.