Psalms 17:6-14

⁶A Got, gu be meybil ngom, ya ga ma fulweg taban e meybil rog; ere mu sap ngog ngam rung’ag e thin rog.

⁷Mu dag fel’ngin e t’ufeg rom ma ga yororiyeg; ra gu bay u chirem ma dariy ban’en nrayag ni rin’ e to’ogor rog ngog.

⁸Mu ayuwegneg ni bod ni ga ma ayuweg e tir u marwam; mmithaggeg ko taglul’ u tan pom,

⁹ko pi cham ni be yib rok e pi’in kireb. Pi to’ogor nib tathang e pogofan e kar liyegedgag;

¹⁰dariy e marunguy rorad, mab tolang e thin rorad.

¹¹Kar chalngobiyedgag e chiney, u gubin yang ni gu ra cheal ngay, ni yad be changarnag rogon ni ngar girngiyedgag nga but’.

¹²Yad bod bogi layon, ni yad be son nigeg, ni yad ba’adag ni ngar popofedgag ni nochyang.

¹³SOMOL, moy! Mu cham ko pi to’ogor rog ngam gel ngorad! Mu aywegeg ko saydon rom u pa’ e pi’in kireb;

¹⁴mu ayuwegneg u pa’ e pi’in nib yoor ban’en rograd ko biney e tamilang. Mu gechig nagrad ko pi gafgow ni ka mu cha’riy ni fan ngorad; mang e yugu ra gaman gad pifakrad riy miki aw boch ni fen pifak pifakrad!