Psalms 147:3-15

³Nu kariimet nongomang motam parasaram mu nongomang taso, ale nunga lot gawir kalo nungurso.

⁴Nu baras suen la nunga iki saposo, ale suan suan nunup awu awu karogo namaram.

⁵Anananga Kari Biya nup biya, se sokel garagar; noko ikia sinar mu kumik ko tom batoga bo mena.

⁶Yawe mu kariimet nunumi ago kapasan mu nunga tagi patawuso, bare kariimet memek bitawara mu nongorak kapa ali ago nunga beteso.

⁷Yawe wur amilmil ilu tualko; bawe te yagowom gurugu anananga Kaem tualko.

⁸Nu taiti nuwi beteso se arataso ale taiti gomang kaluwuso; nu tuwik ali lilim tuso se sirsir duruk motongar te aragoso.

⁹Nu bulmakau na nungarso, ale inangnang ko gotek na ko niasan mu na nungarso.

¹⁰Horse ko sokel mu tamatama, bare umu Kaem gomang motam amilmil me tuso. Turan te, kari nuar sokel tamatama mu ko, Kaem gomang motam me barasoso tala, mena.

¹¹Bare kariimet noko nguanga se, noko kua nangara ko munan nongomang tui se kote loaga lagasan, mu nu ninguru nunga amilmiloso.

¹²O Jerusalem, ni Yawe nup patawurko; O Zion, nika Kaem nup patawurko.

¹³Mu awuk, nu nika sor kuring sokel tuso, ale nika kariimet nika ningi bagasan, mu marak sokel nungarso.

¹⁴Nu nika ali ko tom bitarso se terong aniso, se inang ningo nuam kisiso se ni karogo terong masam.

¹⁵Noko den balso se tairate ali imi te tai kaposo ale nunguning kaposo.