8Ieowa me dir en mak o kapunlol, kanonama o limpok.
9Ieowa me kalanan on karoj o a kapunlol on a wiawia kan karoj.
10Japwilim omui wiawia kan en kapina komui. Main Ieowa, o japwilim omui lelapok kan en kapina komui.
11O ren kajokajoia duen linan en wei omui, o ren kapakaparokki duen omui manaman.
12Pwe aramaj akan en dedeki duen omui manaman o linan on wei omui.
13Wei omui wei joutuk eu, o omui kakaun pan duedueta kokolata.
14Ieowa kin kotin kolekol karoj, me pan pupedi, o kainjen maula karoj, me mamauk.
15Por en maj karoj kajikajik komui, o kom kotiki on ir kan ar kijin mana ni ar anjau.
16Kom kotiki pajan lim omui o kadirela karoj, me memaur, duen kupur omui.
17Ieowa me pun ni al a karoj o jaraui ni a wiawia kan karoj.
18Ieowa kotikot ren karoj, me likwir on i, karoj, me likwir melel.
19A kotin wiai on, me majak i duen ar inon. A kotin mani ar nidinid, ap kotin jauaja ir.
20Ieowa kin kotin jinjila karoj, me pok on i, a pan kamela me doo jan Kot akan karoj.
Psalms 145
Psalms 145:8-20