Psalms 141:1-6

¹(David ko wur) O Yawe, ani nika arusam; tairate agate tairko. Tom ani ka aurik mu, agiring ikiko.

²Aninga guranek mu mel yawara bo ko tama bur siring yawara iwita toko; aninga agiting kanuwa mu, tirom bainga ko tama bita kisa iwita.

³O Yawe, aninga agiring ko sinar to se agiring angamili te den memek bo me ta aratukko.

⁴Ni agarkiwer se ikia memek bo aninga angamang motam me tagirok, agi kilek memek betera ko kariimet alo nongorak munan memek bitirik ale nunga nam giam ningi me nongorak daigekko.

⁵Kakirip ningo dirkiriyam mu aga memek ko bu am aisuokko, mu kiwem ningo agate beteso; nu am ining aisuokko; mu aga dingumuso. Ani kiwem imi ko me ta angamang ikuwoso, mu awuk, ani kariimet memek alo mu nunga memek koma kaola ko guranek bita lagasam.

⁶Se memek alo umu nunga kari supuling mu garap te nunga warmon se kapamon, umu te asele nunga kariimet nunga ikia sinar aruk se balmon, “Kari mu ko den umu nunguningta nunguningkiri,” mamonko.