Psalms 13:1-6

¹(David ko wur) O Yawe, ni tom awila nunguningkiri ani ago ko kamili saparukko? Ni tom awila nunguningkiri ani ago ko kema kaluwurko?

²Ani tom awila nunguningkiri ikia aga moa lagarukko? ale tirom woremkalal angamang bataga lagarukko? Tom awila nunguningkiri aga kager kari aga maguwu lagamonko?

³O Yawe, ni aninga Kaem, kema gurugu aisu ale agiring ilupko! Aga sangaru se ani me kuerikko;

⁴kager kari alo balmon, “Ana ka sokel menawuman,” mamon, ale amilmilamon, “Ni dagulem,” ma aga balmon bore ko.

⁵Bare ni ani ago ko kua lagasam mu ko ani angamang ningi nunguning aso; ale kager kari nuguting te aga bataguru toko mu ko ani amilmilasam.

⁶Yawe, ani wur iluwek ale nip patawurikko, mu awuk, ni ani ago ko ningo la bita lagasam.