Psalms 139:16-22

¹⁶Jilan ir mani ia ni ai jaikenta wiauier, o ran karoj me kokodo, ap jaikenta mia, me kileledier nan japwilim omui puk o.

¹⁷Main Kot, meid kajampwal on ia duen meakan karoj, me komui kin kupukupura!

¹⁸Ma i pan wadok ir, i jota pan kak on, pwe re me toto jan pik en oror, ni ai pirida, i kin mimieta re omui.

¹⁹O Main Kot, kom jota men kamela me doo jan Kot akan; o me kin inon ion nta, en muei jan ia!

²⁰Pwe re kin lokaia jued duen komui, o japwilim omui imwintiti kan kin kanudi ni jokarepa.

²¹I kin kailonki, Main Ieowa, me kin kailonki komui, o i juedeki ar palian komui.

²²I kin kailon kin ir melel, re wialar ai imwintiti.