Psalms 135:2-17

²Komail me mi nan tanpaj en Ieowa, nan pera moa en tanpaj en atail Kot.

³Kapina Ieowa, pwe Ieowa me kalanan; kauleki mar a, pwe i me mau.

⁴Pwe Ieowa kotin piladar Iakop, o Ijrael, pwen japwilim a.

⁵Pwe i aja, Ieowa meid lapalap, o atail Kot me lapa jan kot akan karoj.

⁶Karoj me Ieowa kotin kupura, a kin wiada nanlan o pil ni jappa, nan madau o pajed.

⁷A kin kotin wiai on tapok kan, ren dauda jan ni imwin jappa, me kin kotin wiada liol o pil katau, me kin kotin kadarala kijinian jan nan a pera kan.

⁸A kotin kamelar mejeni kan nan Äkipten karoj ren aramaj o man akan.

⁹O kotikidan uk, Äkipten, kilel o manaman akan, on Parao o na ladu kan karoj.

¹⁰Me kotin kaloedi wein men liki kalaimun akan o kamelar nanmarki kelail akan.

¹¹Jiion, nanmarki en Amon, o Ok, nanmarki en Pajan, o wei en Kanaan karoj.

¹²O kotiki on japwilim a men Ijrael jap arail, pwe ren jojoki.

¹³Ieowa, mar omui pan potopot eta; Main Ieowa, kataman pa omui pan jan eu kainok lel eu.

¹⁴Pwe Ieowa pan kotin kapun japwilim a aramaj akan, o a pan kotin maki on japwilim a ladu kan.

¹⁵Dikedik en ani mal en men liki kan wiaui kida jilper o kold, me pa en aramaj wiadar.

¹⁶Au arail mia, ap jaja lokaia, por en maj arail mia, ap jota kak kilan waja;

¹⁷Jalon arail mia, ap jota kak ron waja, pil jota an mi nan au ar.