Psalms 135:1-5

¹Ke sorok SOMOL! Mu pininged e sorok nga fithingan, gimed e pi tapigpig rok SOMOL,

²gimed gubin e pi’in gimed ma pigpig u naun rok SOMOL, u lan fare Tempel ko Got rodad.

³Mu pininged e sorok ngak SOMOL, ya ba manigil; mon’ed e tang ni gimed be pining e sorok nga fithingan, ya ba gol.

⁴Ir e ke mel’eg Jakob ni nge milfan ngak, nge girdi’ nu Israel.

⁵Gumnang ni SOMOL rodad e ir e ga’, ba ga’ ngak urngin e pi got.