Psalms 119:133-138

¹³³Nika den te aninga aolak diram la kiti gurugu se kiwem memek bo ta ani me aga kiarukko.

¹³⁴Kariimet memek alo nuguting te aga sangaru to se ani nika den karo tuekko.

¹³⁵Kema gurugu ale gemang motam ani ka ura kari aisu ale nika den aga kasuruko.

¹³⁶Aninga amononge mu yu ko kapawoso, mu awuk, kariimet nika karo tua ko den me karo tusan.

¹³⁷O Yawe, ni mu ningo dirkiriyam nunguningkiri, se nika den mu diram la.

¹³⁸Nika den suen la nangarem mu am ningo diram, se anananga ningo ko mel biya nunguningkiri, kari bo ko suwik saparukko mel bo mena.