130Nika den apusan mu nikim nangarso, ale kariimet den umu me ko ikia ta wore ikia sinar nungarso.
131Ani nika den ninguru ko iki kutuwurekko angamang nia lagoso.
132Kema gurugu ale gemang lila aisuko; kariimet awiriya nika kuesan mu ni uwutata nongote betesam.
133Nika den te aninga aolak diram la kiti gurugu se kiwem memek bo ta ani me aga kiarukko.
134Kariimet memek alo nuguting te aga sangaru to se ani nika den karo tuekko.
135Kema gurugu ale gemang motam ani ka ura kari aisu ale nika den aga kasuruko.
136Aninga amononge mu yu ko kapawoso, mu awuk, kariimet nika karo tua ko den me karo tusan.
137O Yawe, ni mu ningo dirkiriyam nunguningkiri, se nika den mu diram la.
Psalms 119
Psalms 119:130-137