1Psalmus cantici, in die sabbati.
2Bonum est confiteri Domino, et psallere nomini tuo, Altissime:
3ad annuntiandum mane misericordiam tuam, et veritatem tuam per noctem,
4in decachordo, psalterio; cum cantico, in cithara.
5Quia delectasti me, Domine, in factura tua; et in operibus manuum tuarum exsultabo.
6Quam magnificata sunt opera tua, Domine ! nimis profundæ factæ sunt cogitationes tuæ.
PSALMORUM 91
PSALMORUM 91:1-6