PSALMORUM 74:4-9

⁴Liquefacta est terra et omnes qui habitant in ea: ego confirmavi columnas ejus.

⁵Dixi iniquis: Nolite inique agere: et delinquentibus: Nolite exaltare cornu:

⁶nolite extollere in altum cornu vestrum; nolite loqui adversus Deum iniquitatem.

⁷Quia neque ab oriente, neque ab occidente, neque a desertis montibus:

⁸quoniam Deus judex est. Hunc humiliat, et hunc exaltat:

⁹quia calix in manu Domini vini meri, plenus misto. Et inclinavit ex hoc in hoc; verumtamen fæx ejus non est exinanita: bibent omnes peccatores terræ.