PSALMORUM 61:1-5

¹In finem, pro Idithun. Psalmus David.

²Nonne Deo subjecta erit anima mea? ab ipso enim salutare meum.

³Nam et ipse Deus meus et salutaris meus; susceptor meus, non movebor amplius.

⁴Quousque irruitis in hominem? interficitis universi vos, tamquam parieti inclinato et maceriæ depulsæ.

⁵Verumtamen pretium meum cogitaverunt repellere; cucurri in siti: ore suo benedicebant, et corde suo maledicebant.