PSALMORUM 56:5-10

⁵et eripuit animam meam de medio catulorum leonum. Dormivi conturbatus. Filii hominum dentes eorum arma et sagittæ, et lingua eorum gladius acutus.

⁶Exaltare super cælos, Deus, et in omnem terram gloria tua.

⁷Laqueum paraverunt pedibus meis, et incurvaverunt animam meam. Foderunt ante faciem meam foveam, et inciderunt in eam.

⁸Paratum cor meum, Deus, paratum cor meum; cantabo, et psalmum dicam.

⁹Exsurge, gloria mea; exsurge, psalterium et cithara: exsurgam diluculo.

¹⁰Confitebor tibi in populis, Domine, et psalmum dicam tibi in gentibus: