1Psalmus cantici, in dedicatione domus David.
2Exaltabo te, Domine, quoniam suscepisti me, nec delectasti inimicos meos super me.
3Domine Deus meus, clamavi ad te, et sanasti me.
4Domine, eduxisti ab inferno animam meam; salvasti me a descendentibus in lacum.
5Psallite Domino, sancti ejus; et confitemini memoriæ sanctitatis ejus.
6Quoniam ira in indignatione ejus, et vita in voluntate ejus: ad vesperum demorabitur fletus, et ad matutinum lætitia.
7Ego autem dixi in abundantia mea: Non movebor in æternum.
8Domine, in voluntate tua præstitisti decori meo virtutem; avertisti faciem tuam a me, et factus sum conturbatus.
9Ad te, Domine, clamabo, et ad Deum meum deprecabor.