Psalmaro 59:13-16

¹³Ekstermu ilin en kolerego, ekstermu, ke ili ne plu ekzistu; Kaj ili eksciu, ke Dio regas ĉe Jakob, Ĝis la limoj de la mondo. Sela.

¹⁴Ili revenas vespere, bojas kiel hundoj, Kaj iras ĉirkaŭ la urbo.

¹⁵Ili vagas pro manĝo, Kaj sen satiĝo pasigas la nokton.

¹⁶Sed mi kantos Vian forton, Kaj matene mi gloros Vian bonecon; Ĉar Vi estis por mi defendo kaj rifuĝo En la tago de mia malfeliĉo.