Psalmaro 16:2-6

²Mi diris al la Eternulo: Vi estas mia Sinjoro; Mi ne havas alian bonon krom Vi.

³Al la sanktuloj, kiuj estas sur la tero, Kaj al la majestuloj iras mia tuta deziro.

⁴Multiĝos la malĝojoj de tiuj, kiuj sekvis alian; Mi ne verŝos iliajn sangajn verŝoferojn Kaj ne metos iliajn nomojn en mian buŝon.

⁵La Eternulo estas mia sorta parto kaj kaliko; Vi subtenas mian sorton.

⁶Loto agrabla trafis min, Ĉarma estas mia heredo.