1Kanto de suprenirado. Rememoru, ho Eternulo, Davidon kaj ĉiujn liajn suferojn;
2Ke li ĵuris al la Eternulo, Kaj donis sanktan promeson al la Potenculo de Jakob:
3Mi ne eniros en la ŝirmejon de mia domo, Mi ne supreniros sur la liton, pretigitan por mi;
4Mi ne donos dormon al miaj okuloj, Nek dormeton al miaj palpebroj,
5Ĝis mi trovos lokon por la Eternulo, Loĝejon por la Potenculo de Jakob.
6Jen ni aŭdis, ke ĝi estas en Efrata; Ni ĝin trovis sur arbara kampo.
Psalmaro 132
Psalmaro 132:1-6