84Kiom estos la tagoj de Via sklavo? Kiam Vi faros juĝon super miaj persekutantoj?
85Fosojn fosis al mi la fieruloj, Kontraŭe al Viaj leĝoj.
86Ĉiuj Viaj ordonoj estas vero; Maljuste oni min persekutas; helpu min.
87Oni preskaŭ pereigis min de sur la tero, Sed mi ne forlasis Viajn ordonojn.
88Laŭ Via boneco vivigu min, Kaj mi observos la ordonojn de Via buŝo.
89Por eterne, ho Eternulo, Via vorto staras forte en la ĉielo.
90Por ĉiuj generacioj restas Via vero; Vi fortikigis la teron, kaj ĝi staras.
91Laŭ Viaj leĝoj ĉio nun staras, Ĉar ĉio estas Viaj sklavoj.
92Se Via instruo ne estus mia konsolo, Mi pereus en mia mizero.
93Neniam mi forgesos Viajn ordonojn, Ĉar per ili Vi min vivigas.
94Al Vi mi apartenas; Helpu min, ĉar mi serĉas Viajn ordonojn.
Psalmaro 119
Psalmaro 119:84-94