Psalm 9:1-11

¹I MEN kapinga Ieowa sang nan mongiong i meler, o kasokasoiia duen sapwilim omui dodok kapuriamui kan karos.

²I men pereperen o polauleki komui o kauleki mar omui; komui me lapalapia,

³Pwe re kotin kaloedier ai imwintiti kan, irail pupedier o melar.

⁴Pwe re kotin apwali ia ni ai pung o ai dodok. Komui kaipokedi pon mol omui duen saunkapung pung amen.

⁵Kom kotin kapung ong men liki kan o kotin kamela me sapung kan, kom kotin kawelar mar arail kokolata.

⁶Imwintiti o soredier, a namenokalar melel. Komui kotin wuketedi kanim akan; o solar, me pan taman irail ada o tou ar akan.

⁷A Ieowa pan kotin kaunda kokolata. A kotin kaonopada mol a, pwen kadeikada.

⁸O a pan kotin kadeikada sappa ni pung, o kakaunda wei kan pung.

⁹Ieowa sile pan me samama kan, silepa ni ansau apwal.

¹⁰I me irail, me asa mar omui kin liki komui, pwe komui sota kin muei sang irail, me kin rapaki komui, Maing Ieowa.

¹¹Kauleki Ieowa, me kin kaunda nan Sion. Komail padaki ong wei kan a wiawia!