Psalm 95:1-11

¹Ona nei! Tana wela Bada awarina. Ana nuaiaita tana wela God ata tauvilawana vivirewapana awarina.

²Tana nei au naona ma tana viegualauei ma welei tana voepaepai.

³Aubaina Bada lamna God virewapana kaukauna, ma god anatapui e inainana-ḡairei.

⁴Dobu anatapuna au urana, guba ḡaeḡaei doa au orana da ola ḡaeḡaei au tepai.

⁵Boga tauna ḡarinei, tauna i kauei ma nanare tauna uranei dobu alalana i tere-kauei.

⁶Ona nei ma tana raudune ma tana vimaeḡaeḡaeni, ae tututa tana tapeḡaroei taukaueta Bada awarina.

⁷Aubaina tauna ata God. Tauta natunatuna. Ana sipu ma e ḡamoḡamoita ana au wapu. Mepa da ponana o nonori amadodo,

⁸E riwei i pa “Eḡa orami ona gudui me amamami au Meribah; me au mutulua au Massah.

⁹Kampa amamami i ʼnanai, kauababai a kauei wate eḡa ita vitumaḡaneu, ma i raudadaniu.

¹⁰Madeḡa 40 wei kimtana awari amlou i ḡaiḡai ma a riwa, ‘Wei ravai orai i bagibagi ḡaḡa! Eḡa ita rarautaniḡaneu.’

¹¹Ana mejiu a parivainuaḡani, ‘Gabu a vokaukauei ami lauvitau aubaina wate kampa eḡa melanai ona rui.”