Psalm 95:1-11

¹KOMAIL kodo, pwe kitail pan kapinga Ieowa o ngisingis ong paip en maur atail.

²Kitail pan kola tuki ong i kaping. Kitail en ngisingiski ong i psalm!

³Pwe Ieowa Kot lapalap amen, o Nanmarki lapalap amen pon angin kot akan karos.

⁴Pan sappa mi ni lim a, o pon komon nana me sapwilim a.

⁵Madau me sapwilim a, pwe i me kotin wiadar, o lim a kan wiadar wasa madekong.

⁶Komail kodo, kitail pan kaudok, o dairukedi, o kelepuki mon Ieowa, me kotin wia kitail dar.

⁷Pwe i atail Kot, a kitail aramas en sapwilim a wasan kamanga o pwin en lim a. Ran wet, ma komail pan rong kapitie,

⁸Komail der kapitakaila mongiong omail, duen a wiauier Meripa o ni ran en Masa nan sap tan,

⁹Ni sam omail akan songesong ia o kasau ia da, pwe re kilanger ai dodok kan.

¹⁰Par paeisok I suede kilar di wet, o I indada: Mongiong en song en aramas duen met kin wukiwuk sili, o re sota men asa duen al ai kan.

¹¹I ap kaula ni ai makar: Irail sota pan konodi ai kamol.