Psalm 90:1-13

¹Pre lal Moses, Mwet lun God O Leum, kom nuna nien muta lasr.

²Meet liki kom oru tuh inging uh in sikyak, Ku oakiya faclu, Kom nuna God oemeet me, Oayapa nu tok ma pahtpat.

³Kom sap mwet uh in folokla nu ke fohk, Kom ekululosla nu ke kutkut, ma elos orekla kac.

⁴Sie tausin yac oana len se nu sum; Oana ekea, su somla tari, Oana sie ao fototo ke fong.

⁵Oana sie sronot, kom pahtkakinkutla; Moul lasr tia loes liki sie mweme. Kut oana mah ma srunak ke lotutang

⁶Ac kapak ac farngelik, Na paola ac misa ke ekela.

⁷Kut kunausyukla ke mulat lom, Kut fosrngala ke kasrkusrak lom.

⁸Kom filiya ma koluk lasr ye motom, Ac ma koluk lukma lasr yen kom ku in liye.

⁹Moul lasr akfototoyeyuk ke kasrkusrak lom, Ac wanginla oana sie osfek.

¹⁰Lusen moul lasr yac itngoul na — Ac kut fin ku na, ac sun yac oalngoul, Tuh wanginna ma kut liye kac sayen mwe lokoalok ac asor. Moul lasr uh sa na safla, ac kut wanginla.

¹¹Su nu pula kuiyen sulung lom? Su etu lupan sangeng ma ac tuku ke kasrkusrak lom?

¹²Luti nu sesr in etu fototoiyen moul lasr Tu kut fah ku in lalmwetmet.

¹³Kom ac mulat nwe ngac? O LEUM GOD, pakomuta mwet kulansap lom!