Psalm 88:6-16

⁶Kom sisyula nu in lufin mas loallana, Nu in luf se su arulana lohsr ac loal.

⁷Mulat lom putati toasr nu fuk Ac nga itungyuki ye noa in kasrkusrak lom.

⁸Kom oru tuh mwet kawuk luk in sisyula, Ac oru tuh nga in oana mwe srungayuk selos. Nga kauli ac tia ku in kaingkunla.

⁹Mutuk losrla ke keok luk, LEUM GOD, nga sralak pouk Ac pre nu sum len nukewa.

¹⁰Ya kom ac oru ma sakirik usrnguk nu sin mwet misa? Ya elos ac tukakek ac kaksakin kom?

¹¹Ya lungse kawil lom srumunyuk in kulyuk uh? Ya oaru lom srumunyuk ke acn in kunausten?

¹²Ya mwenmen lom liyeyuk in acn lohsr uh, Ku wo lom liyeyuk ke acn sin mwet mulkinyukla uh?

¹³LEUM GOD, nga pre nu sum in kasreyu. Nga pre nu sum ke lotutang nukewa.

¹⁴Efu ku kom sisyula, LEUM GOD? Efu ku kom ngetla likiyu?

¹⁵Nga nuna keok ac apkuran nu ke misa e ke nga srikyak, Nga totola ke ma toasr su kom kaiyu kac.

¹⁶Mulat upa lom itungyuwi — Mwe aksangeng lom kunausyula.