Psalm 88:2-13

²Lohng pre luk, Lipsre tung luk in suk kasru!

³Tuh mwe keok puspis putati nu fuk Ac nga apkuran in misa.

⁴Nga oana elos nukewa su apkuran in misa; Wanginla ku luk.

⁵Sisila nga inmasrlon mwet misa, Nga oana mwet su anwuki ac pukpuki in kulyuk uh — Oana elos su kom tiana sifil esam, Su kom fah tia ku in sifilpa kasru.

⁶Kom sisyula nu in lufin mas loallana, Nu in luf se su arulana lohsr ac loal.

⁷Mulat lom putati toasr nu fuk Ac nga itungyuki ye noa in kasrkusrak lom.

⁸Kom oru tuh mwet kawuk luk in sisyula, Ac oru tuh nga in oana mwe srungayuk selos. Nga kauli ac tia ku in kaingkunla.

⁹Mutuk losrla ke keok luk, LEUM GOD, nga sralak pouk Ac pre nu sum len nukewa.

¹⁰Ya kom ac oru ma sakirik usrnguk nu sin mwet misa? Ya elos ac tukakek ac kaksakin kom?

¹¹Ya lungse kawil lom srumunyuk in kulyuk uh? Ya oaru lom srumunyuk ke acn in kunausten?

¹²Ya mwenmen lom liyeyuk in acn lohsr uh, Ku wo lom liyeyuk ke acn sin mwet mulkinyukla uh?

¹³LEUM GOD, nga pre nu sum in kasreyu. Nga pre nu sum ke lotutang nukewa.