Psalm 88:2-11

²Kom kotin mueid ong, ai kapakap en lelda wong komui. Kom kotin kapaik dong karong omui kan ai likelikwir.

³Pwe ngen i me dir en mamauk, o maur i koren iong mela.

⁴Ngai kin wadok ong ir me melar, ngai dueta ol amen, me solar angiangi.

⁵I wonon nan pung en me melar akan, me wonon nan sousou, me kom solar kotin kupura, pwe re lokidokilar sang nan lim omui.

⁶Kom kotin kase ia lar nan sousou, wasa rotorot o lol.

⁷Omui ongiong kin katoutou ia, o kom kotin idan kin ia di omui iluk kan. Sela.

⁸Kom kotiki wonger kompoke pa i kan wasa doo, kom kotin wia kin ia la me sued kot ong ir, i salidier o so kak pitila.

⁹Mas ai suede kilar ai luet, nin ran karos i potoan ong komui, Maing Ieowa, o i kapa wong komui pa i kat.

¹⁰Kom pan kotin kasaleda omui manaman ren me melar akan? De me melar akan pan maurada danke komui? Sela.

¹¹Re pan kosoia duen omui kalangan nan sousou kan? O wasan mela duen omui melel?