Psalm 83:2-13

²Liye! Mwet lokoalok lom elos alein, Ac elos su srungakom elos orek fohs.

³Elos orek pwapa lukma in lain mwet lom; Elos pwapa in lainulos su kom karingin.

⁴Elos fahk, “Fahsru, lela kut in kunausla mutunfacl selos, Tuh inen Israel in mulkinyukla nwe tok.”

⁵Elos insese ke pwapa lalos Ac tukeni orala oakwuk se in lain kom.

⁶Elos mwet Edom ac mwet Ishmael, Mwet Moab ac mwet Hagar,

⁷Mwet Gebal, Ammon ac Amalek, Ac mwet Philistia ac Tyre.

⁸Mwet Assyria oayapa welulosyang, Elos arulana asruoki ku nu sin mwet Ammon ac mwet Moab, su ma in fwil natul Lot.

⁹Oru nu selos oana kom tuh oru nu sin mwet Midian, Ac nu sel Sisera ac Jabin sisken Infacl Kishon.

¹⁰Kom kutangulosla in acn Endor, Ac manolos kulawi fin fohk uh.

¹¹Oru nu sin mwet kol lalos oana kom tuh oru nu sel Oreb ac Zeeb. Kutangla mwet kol lalos nukewa, oana ma sikyak nu sel Zebah ac Zalmunna,

¹²Su tuh fahk, “Acn inge, su ma lun God, Kut ac eisla lasr.”

¹³O God, siseloselik oana kutkut — Oana kulun wheat su ukukla ke eng uh.