Psalm 80:3-12

³Folokinkutme, O God! Akkalemye pakoten lom nu sesr ac kut tufah moulla.

⁴O LEUM GOD Kulana, Putaka kom ac mulat ke pre lun mwet lom?

⁵Kom ase asor oana mwe mongo nasr, Ac sie cup lulap ke sroninmuta tuh kut in nim.

⁶Kom oru tuh mutunfacl su raunikutla in mweun ke acn lasr, Ac mwet lokoalok lasr elos akkolukye kut.

⁷Folokinkutme, O God Kulana! Akkalemye pakoten lom nu sesr, ac kut tufah moulla.

⁸Kom use soko fain in grape Egypt me, Kom lusla mutunfacl liki acn selos ac yukwiya fain soko inge in acn selos.

⁹Kom sakunla acn se tuh elan yoki we Ac okah kac kapla loal, ac fain soko ah orakelik nu in acn sac nufon.

¹⁰Lulin fain soko ah luliya inging ah, Ac lah kac uh luliya sak cedar lulap.

¹¹Lah kac ah lahelik som sun Meoa Mediterranean, Oayapa fahla nwe ke sun Infacl Euphrates.

¹²Efu ku kom kunausya kalkal ma oan raunela? Oru mwet nukewa su fahsr aliki elos kinis fahko kac.