Text copied!
CopyCompare
BIBLE MUTAL - Psalm - Psalm 78

Psalm 78:44-62

Help us?
Click on verse(s) to share them!
44El ekulla infacl we nu ke srah Na wangin kof mwet Egypt in nim.
45El supwala un loang nu inmasrlolos, mwe akkeokyalos, Ac frog in kunausla acn selos.
46El supwala locust in kangla fokinsak sunalos Ac in kunausla ima lalos.
47El kunausla ima grape lalos ke af yohk kosra, Ac kunausla sak fig ke aunfong oyohu.
48El uniya cow natulos ke af yohk kosra, Ac un kosro natulos ke sarom.
49El srunglulos Ke kasrkusrak ac mulat lal, Oana sie un lipufan su tuku in use misa.
50El tia sruokya mulat lal Ku molela moul lalos, A El onelos ke mwe akkeok.
51El uniya wounse nukewa In sou nukewa lun mwet Egypt.
52Na El kolla mwet lal oana sie shepherd, Ac pwanulos sasla yen mwesis.
53El kololos in misla ac elos tia sangeng, A meoa tuku ac afunla mwet lokoalok lalos.
54El kololos nu ke acn mutal sel, Nu ke eol we su El sifacna eisla.
55El lusak mwet in facl sac ke mwet lal elos utyak Ac El kitalik acn selos nu sin sruf lun Israel, Ac sang lohm sin mwet we nu sin mwet lal.
56Tusruktu, elos tuyak lain God Kulana, Ac kena sifilpa srikal. Elos tia akos ma sap lal,
57A elos forla liki God ac tia pwaye nunak lalos nu sel, oapana mwet matu lalos meet ah; Elos sesuwos oana soko sukan pisr kururu.
58Elos arulana akkasrkusrakye God ke nien alu lalos Ac ke ma sruloala lalos.
59God El arulana mulat ke El liye ma inge, Ac El sisla na pwaye mwet Israel.
60God El som liki lohm nuknuk sel in Shiloh, Lohm se su El muta loac inmasrlosr.
61El lela tuh mwet lokoalok lasr in sruokya Tuptup in Wuleang, Su akilenyen ku ac wolana lal.
62El arulana toasr sin mwet lal Ac El lela tuh elos in anwuki sin mwet lokoalok lalos.

Read Psalm 78Psalm 78
Compare Psalm 78:44-62Psalm 78:44-62