2Tusruktu apkuran nga in fuhleak, Ac lulalfongi luk apkuran in wanginla.
3Ke nga liye wo ouiya nu sin mwet koluk, Nga srangesroayak kaclos.
4Elos tia pula ngal, Manolos ku na ac fokoko.
5Elos tiana keok oana kutu mwet uh, Ac elos tia wi pulakin mwe lokoalok su sun mwet saya.
6Arulana kalem filang lalos oana soko ah in walwal, Ac sulallal lalos oana nuknuk elos nukum.
7Insialos sessesla ke nunak koluk, Ac nunkalos kafofo ke sukyen pwapa sulallal.
8Elos isrun mwet ngia, ac kaskas ke ma koluk, Elos inse fulat ac elos pwapa in akkeokye mwet saya.
9Elos kaskas koluk ke God inkusrao, Ac sap keke nu sin mwet fin faclu ke inse fulat lalos.
10Oru, finne mwet lun God, elos forang pac nu selos, Ac lulalfongi ma nukewa elos fahk.
11Elos fahk, “God El tia ku in etu; El su Fulatlana tia ku in konauk!”
12Pa inge ouiyen mwet koluk uh. Pus ma lalos, ac pacl nukewa fisrasrna elos in sifilpa konauk kutu.
13Mea pwaye lah wanginna sripa ke nga srike in moul nasnas Ac tia oru kutena ma koluk?
14O God, kom akkeokyeyu len nufon; Ke lotutang nukewa kom kaiyu.
15Nga fin fahk kain kas inge, Na ma nga oru uh ac oana ngan tia sie sin mwet lom.
16Nga srike in nunku ke ouiya se inge Tuh arulana upa nga in kalem kac,
17Nwe ke nga som nu in lohm mutal sin God. Toko nga fah kalem kac lah mea ac sikyak nu sin mwet koluk uh.
18Kom ac fah fuhlelosi in acn musresre, Ac oru tuh elos in putatyang nu in ongoiya lulap.
19Elos sa na in kunausyukla, Ac saflaiyalos elos ac misa ke misa na koluk.
20Elos oana sie mweme su wanginla ke lotutang. Ke kom tukakek, O Leum, na elos wanginla.
21Ke nunak luk uh upa Ac insiuk keok,
22Nga lalfonla oana soko kosro, Ac nga tia ku in kalem ke nunak lom.
23Tusruktu, nga apkuran nu yurum pacl e nukewa; Ac kom sruokya pouk.
Psalm 73
Psalm 73:2-23