Psalm 71:1-9

¹MAING Ieowa, i liki komui, kom der mueid ong, i en sarodi kokolata.

²Kom kotin dore ia la pweki omui pung, o kotin sauasa ia, o kotin kapaike dong ia karong omui kan o sauasa ia.

³Komui en kotin wiala ai paipalap, wasa i pan kak pitila ia ansau karos, pwe kom kotin inauki ong ia er, me kom pan dore ia la, pwe komui ai paip o ai kel.

⁴Ai Kot, sauasa ia sang nan pa en me doo sang Kot, o sang nan pa en me sapung o weit.

⁵Pwe komui kapore pa i, Maing Ieowa, komui ai kel sang ni ai pulepul.

⁶I liki komui sang ni ai ipwidier, o komui me kaipwi ia sang nan kaped en in ai, i pan kapinga komui kokolata.

⁷Ngai dueta meakot me kapuriamui ong me toto; a komui kel pa i manaman.

⁸Kom kotin kadireki au ai kaping o danke ong komui.

⁹Kom der kotin kase ia la ni ai mala, o der muei sang ia ni ai pan luetala.