Psalm 69:2-10

²Nga tili in acn furarrar na loal, Ac wangin acn nga in tu fac. Nga oasr in kof loallana, Ac noa uh apkuran in utiyuwi.

³Nga totola in tung; Kapinsrulyuk paola. Mutuk munasla Ke nga tupan kasru lom.

⁴Elos su srungayu ke wangin sripa Elos pus liki na aunsifuk. Mwet lokoalok luk fahk kas kikiap lainyu; Elos arulana fokoko ac kena in uniyuwi. Elos oru nga folokonang ma su nga tia pisrala.

⁵O God, ma koluk luk tiana wikla liki kom, Kom etu lupan nikin luk.

⁶Nikmet lela tuh nga in akmwekinyalos su lulalfongi kom, O LEUM GOD Kulana. Nikmet lela in nga pa pwanang pilesreyuk elos su alu nu sum, O God lun Israel.

⁷Ke sripom nga akkolukyeyuk, Ac mwekin apinyula.

⁸Nga oana sie mwet tia eteyuk sin mwet lik, Ac oana sie mwetsac in sou luk.

⁹Moniyuk luk nu ke Tempul lom firirrir in nga oana sie e; Ac kas in akkoluk lun mwet keim putati nu fuk.

¹⁰Nga sifacna akpusiselyeyu ke lalo luk, Ac mwet uh fahk kas in akkolukyeyu.