Psalm 66:2-18

²Kauleki lingan en mar a; kapikapinga i melel!

³Komail potoan ong Kot: Meid kapuriamui sapwilim omui dodok kan! Sapwilim omui imwintiti kapinga komui pweki omui manaman.

⁴Sap karos en kaudok ong komui o kapinga komui o kauleki ong mar omui. Sela.

⁵Komail kodo, kilang dodok en Kot, pwe a wiawia kan me kapuriamui ren aramas akan.

⁶A kotin kawukila madau ong sap madakong, pwe aramas en kak alu pon pil o, i wasa se peren kidar kaualap.

⁷A kotin kakaunda ni a manaman kokolata; silang i kin irerong wei kan. Me kangudi kan sota kak pwaida. Sela.

⁸Komail wei kan kapinga atail Kot, o komail kalaudela ngil omail, pwen lel ong wasa doo.

⁹Me kotin kolekol ong kitail maur atail, o sota mueid ong, nä atail en krisedi.

¹⁰Pwe komui Kot me kotin kasongesong kit o kamakelekel kit er, dueta silper kin kamakelekelada.

¹¹Kom kotin mueid ong, sen lodi ni insar o, kom katoutou kin kit men katoutou eu.

¹²Kom kotin mueid ong aramas kai, en tiakedi pon mong at; kit lel ong kisiniai o pil; a kom kotin kapiti sang kit o kakele kit adar.

¹³I me i pan pedekilong ong nan tanpas omui, pwen mairong isis, o i pan kapwaiada ai inau ong komui,

¹⁴Duen kil en au ai inaukidar, o duen au ai inda ni ai ansau apwal:

¹⁵I pan mairong isis ong komui sip wi kan iangaki adiniai en sip ol, i pan mairongki kau iangaki sip o kut ol akan. Sela.

¹⁶Komail karos, me masak Kot, kodo re i, i pan kasoi ong komail, duen me a kotin wiai ong ngen i.

¹⁷I likwirki ong i au ai o i kapingaki i lo i.

¹⁸Ma i pan lamelame nan mongiong i, me i pan wiada me sued, Ieowa ap sota pan mangi ia;