Psalm 51:1-10

¹Mara tagogi, Gulau David ana taunola Uriah awana Bathsheba i tavimatanei da maiteni i matave. Oo God, ma raunuʼapoapoeleu. Tam nuavaina maemae-nonoana amai. Tam raraunuapoapoei amai au ḡoʼapoapoe ma notatawanei.

²Au rauaḡaiḡai ma oḡai ma au ḡoʼapoapoe ma oḡa-tawanei.

³Au rauaḡaiḡai a aramanei marana patapatai a notanotai.

⁴Kaua apoapoei a kauei. Tam ainelam awarim Ḡoa apoapoei a kauei, ma am viwavu lamna riwa kaua. Amapo anina da ma kovoḡiu.

⁵Tau rauaḡaiḡaiu, melamelauei da marina Au manawa da marina tau ḡoʼapoapoe taukaueina.

⁶Wate tam u ḡoei da riwa kaua au ora-dewadewau ina mae. E viviararamaniu da nuaulaula orau ina oai.

⁷Au ḡoʼapoapoei ma oḡa-tawanei, ma oḡaiu da ana arapoira da gonu rovena arapoirana ana ḡetawanei.

⁸Ma riweu da au ḡoʼapoapoe u nota-tawanei da ana vinuaiaii ma ana morelana avena da gelamiu u viaigaigai, marina ana vinuaiai.

⁹Au goʼapoapoe ma inana-tawanei ma au apoapoe mirai ma boai.

¹⁰Oo God nuanua ma ravivouni da ana vipatutu kaua awarim.