Psalm 40:6-16

⁶Kom sota kotin kupura mairong man de mairong wan tuka kan; a kom kotin kawasak pasang salong ai; kom sota kotin mauki mairong isis de mairong en dip.

⁷Ngai ap inda: Kilang, I kokodo; nan puk o me intingidier duen ngai.

⁸I men kapwaiada kupur omui, ai Kot; o sapwilim omui kapung o mi nan lol en mongiong i.

⁹I pan padaki ong momodisou laud duen me pung. Kilang, i sota pan nenenla, Maing kom kotin mangi.

¹⁰I sota okila omui pung nan mongiong i. I kin kapakaparok duen omui melel o maur, i sota kin okila omui kalangan o melel mon momodisou laud.

¹¹A komui Maing der kotiki sang ia omui kalangan, omui kalangan o melel en sinsila ia ansau karos.

¹²Pwe ai kalokolok kapil ia pena, o re sota mau ong wadok; dip ai katoutou ia, i ap solar kilang wasa; ir me toto sang pit en mong ai, ap solar angiang.

¹³Kom kotin kupura ia Maing, o kotin dore ia la; Maing kom kotin sauasa madang!

¹⁴Me kin masamasan ia, pwen kame ia la, en namenokala o lisela; me men wia sued ong ia, en purewei o lisela.

¹⁵Ir me kin likelikwirki due ai: “Io, io!” en masak o lisela.

¹⁶Karos me idok komui, en pereperen o popol. O me pok ong omui maur, ansau karos ren inda: Meid kapingan Ieowa!