Psalm 37:3-11

³Lulalfongi in LEUM GOD ac oru ma wo; Tuh kom fah ku in moul ac misla fin facl se inge.

⁴Suk engan lom in LEUM GOD, Ac El ac fah asot ma lungse lun insiom.

⁵Eiskomyang sifacna nu sin LEUM GOD; Lulalfongel, ac El ac fah kasrekom.

⁶El ac fah oru suwoswos lom in arulana kalem, Oana kalmen faht ke infulwen len.

⁷Kom in mongfisrasr ac tupan ma LEUM GOD El fah oru; Nikmet elya kaclos su kapkapak, Ku elos su eis woiyen pwapa kutasrik lalos.

⁸Nik kom eiskomyang in fosrnga ku kasrkusrak; Ma inge mwe kolla nu ke ongoiya.

⁹Elos su lulalfongi LEUM GOD fah usrui acn uh, A mwet koluk fah lisyukla.

¹⁰Ac tia paht mwet koluk fah wanginla; Kom finne sokolos, kom ac tia konalosyak.

¹¹A mwet fakpap ac fah usrui acn uh, Ac elos fah engankin mwe insewowo ac misla.