Psalm 33:4-18

⁴Kas lun LEUM GOD pwaye, Ac orekma lal nukewa lulalfongiyuk.

⁵LEUM GOD El lungse ma suwoswos ac pwaye; Lungse kawil lal nawkla faclu.

⁶LEUM GOD El orala kusrao ke sap na lal; El orala faht, malem, ac itu ke kas lal.

⁷El eisani kof nukewa nu sie; El kaliya acn loal meoa ke nien filma lal.

⁸Alu nu sin LEUM GOD, faclu nufon! Akfulatyal, mwet faclu nufon.

⁹Ke El kaskas, faclu orekla; Ac ke sap lal, ma nukewa sikyak.

¹⁰LEUM GOD El akfohsyauk pwapa lun mutunfacl uh; El oru tuh elos in tia ku in aksafyela.

¹¹A pwapa lun God oan ma pahtpat, Ac nunak lal oan nwe tok.

¹²Insewowo mutunfacl se su LEUM GOD El God lalos; Insewowo elos su God El sulela tu elos in mwet lal.

¹³LEUM GOD El ngeti inkusrao me Ac liye mwet nukewa.

¹⁴El ngeta liki nien muta fulat lal, Ac liyalos nukewa su muta fin faclu.

¹⁵El lumahla nunak lalos nukewa Ac El etu ma nukewa elos oru.

¹⁶Sie tokosra el tia kutangla ke sripen mwet mweun ku lal; Sie mwet mweun el tia kutangla ke sripen ku lal sifacna.

¹⁷Horse in mweun uh, wangin sripa nu ke kutangla; Ku lulap lalos tia ku in molela.

¹⁸LEUM GOD El liyalosyang su aksol, Elos su filiya lulalfongi lalos ke lungse kawil lal.