Psalm 2:2-9

²Tokosra lalos elos tuyak in alein, Ac mwet kol lalos tukeni pwapa in lain LEUM GOD Ac tokosra se su El sulela.

³Elos fahk, “Lela kut in srikutla lukelos. Lela kut in srola liki koko lalos.”

⁴LEUM GOD El muta inkusrao isrun Ac aksruksruki pwapa munas lalos.

⁵Na El akesmakyalos ke mulat lal, Ac aksangengyalos ke kasrkusrak lal.

⁶El fahk, “Fin Zion, eol mutal sik, Nga oakiya tari tokosra luk.”

⁷Ac tokosra el fahk, “Nga fah fahkak ma LEUM GOD El sapkin. El fahk nu sik, ‘Kom wen nutik; Misenge nga papa lac tomom.

⁸Siyuk, ac nga ac fah asot mutunfacl nukewa nu sum; Faclu nufon ac fah ma lom.

⁹Kom ac fah kunauselosla ke osra soko; Kom ac fah foklolosi nu ke ip srisrik, oana sie ahlu orek ke fohk kle.’”