Psalm 29:1-9

¹Psalm lal David Kaksakin LEUM GOD, kowos lipufan inkusrao; Kaksakin wolana lal ac ku lal.

²Kaksakin Ine wolana lun LEUM GOD; Epasrla ye mutun El su Mutal ke El sikme in wolana lal.

³Pusren LEUM GOD lohngyuk fin kof uh. Ke God lun wolana El kaskas, pusracl oana pusren pulahl Ngirngir fin meoa uh.

⁴Pusren LEUM GOD lohngyuk — Pusra kulana ac fulatlana.

⁵Pusren LEUM GOD koteya sak cedar, Finne sak cedar in Lebanon.

⁶El oru fineol in acn Lebanon in srosro oana ke soko cow fusr el srosro, Oayapa tuh Fineol Hermon in srosro oana soko cow mukul.

⁷Pusren LEUM GOD oru tuh sarom in sarmelik.

⁸Pusracl oru tuh acn mwesis uh in kusrusr; El osrokak acn mwesis in Kadesh.

⁹Pusren LEUM GOD osrokak sak oak Ac osrokla sra nukewa insak uh, Ac elos nukewa su muta in Tempul lal elos wowoyak ac fahk, “Wolana nu sin God!”